الى تحبه ينساك والى تنساه يحبك

من طرف ayman elrosy الأربعاء أبريل 16, 2008 3:31 pm

ياورد مين يشتريك
وياجرح مين يداويك
ده اللى نسيته فاكرك
واللى افتكرته ناسيك

ياورد ده لونك خدعنى
والحبيب راح و باعنى
من غيرولا كلمه تودعنى
وبطيف حبه وجعنى

ياورد انت فحياتى علامه
رسمت أحلى أبتسامه
ولا حسيت مره بندامه
ولاخليت ع الحبيب ملامه

ياورد انا نفسى أفرح
و الدنيا حواليه تفرح
ولا ييجى شوكك ويجرح
ويسيبنى مع الحزن أسرح

ياورد بحلم أطير
أميره ويا أمير
ومعانا الحمام يطير
ولا أشوف عصفور أسير

ياورد كفايه قساوه
وكفايه كره و عداوه
من الدنيا أخدنا الندامه
ومنك أخدنا الحلاوه

ياورد مين يشتريك؟
ويا قلبى مين يواسيك؟
ولسه اللى هجره فاكرك
وبرده اللى عشقته ناسيك